Landskrifstofa eTwinning á Íslandi, Rannís
Skoða póstinn í vafra
Facebook
#eTwinningISL
etwinning.is


eTwinning fréttir
maí-júní 2015

Efnisyfirlit:
Smellið á hlekkinn eða skrunið niður:

Gerið ykku klár fyrir komandi skólaár
eTwinning dagurinn á Íslandi - myndir og myndbönd á veggnum
Grunnskóli Bolungarvíkur hlýtur tvenn Evrópuverðlaun
Vel heppnað átak eTwinning í Hafnarfirði
 

.


Gerið ykkur klár fyrir komandi skólaár

Nú þegar fjörugu eTwinning ári er að ljúka er um að gera að setja sig í stellingar fyrir komandi skólaár.
 - Hægt er að skoða verkefnishugmyndir hér og lesa um eTwinning samstarf hér.
 - Hægt að leita til eTwinning fulltrúa um leiðsögn og stuðning hér og til Landskrifstofu, Rannís, hér.
 - Íslensk kennslumyndbönd og viðtöl hér.

 - Munið að nú er einnig hægt að stofna til eTwinning samstarfs milli skóla innanlands.
 

.


eTwinning dagurinn á Íslandi - myndir og myndbönd á veggnum

eTwinning dagurinn var haldinn hátíðlegur víðsvegar um Evrópu 7. maí í tilefni 10 ára afmælis eTwinning. Í tilefni þess blés landskrifstofan til vorleiks þar sem íslenskir skólar gátu deilt myndum og myndböndum á Padlet. Dregið var á milli skólanna og kom nafn Flataskóla upp og fékk hann að launum gjafabréf upp á 100 þús krónur til kaupa á einhverju upplýsingatæknitengdu. Allir nemendur sem tóku þátt í hverjum skóla fengu frisbídiska - Ã¡ myndinni eru 4 og 5 ára nemendur Flataskóla með diskana. Smellið hér eða á myndina til að sjá Padlet vegginn:

eTwinning dagsins Ã¡ Íslandi var einnig getið á evrópska afmælisbloggi eTwinning: 
eTwinning Day in Iceland: the sky is the limit! Ã myndinni eru nemendur Kelduskóla Korpu.


 

.
.


Grunnskóli Bolungarvíkur hlýtur tvenn Evrópuverðlaun

Í lok Evrópuverðlaunahátíðar eTwinning í Brussel 7. maí sl. dró til tíðinda þegar verkefni Grunnskóla Bolungarvíkur, Art Connects Us, fékk óvænt sérstök verðlaun sem besta eTwinning verkefnið í Evrópu 2015. Fyrr um kvöldið hafði verkefnið hlotið önnur verðlaun í sínum flokki, 4-11 ára, og má því með sanni segja að Grunnskóli Bolungarvíkur hafi verið strjarna kvöldsins.

Zofia Marciniak, kennari við Grunnskóla Bolungarvíkur, stýrði verkefninu ásamt kennurum frá Póllandi, Slóveníu, Tyrklandi, Spáni og Frakklandi. Zofia og samstarfskennari hennar frá Póllandi tóku á móti báðum verðlaunum Ã¡samt Tinnu Alicja Róbertsdóttur, nemanda við Grunnskóla Bolungarvíkur, og nemanda frá pólska samstarfsskólanum.

Sjá skemmtilega kynningu á verkefninu hér, og um verðlaunaafhendinguna hér. Á myndinni eru Zofia (tv.) og samstarfskennari hennar ásamt Tibor Navracsics, yfirmanni menntamála í framkvæmdastjórn ESB.


.


Vel heppnað átak eTwinning í Hafnarfirði

Skólaárið 2014-15 var eTwinning átak í gangi í samvinnu Rannís og Hafnarfjarðarbæjar. Það fólst í því að skólastjórnendur og kennarar í grunnskólum bæjarins voru fræddir um eTwinning og í kjölfarið haldið námskeið fyrir um 20 áhugasama kennara sem hittust fjórum sinnum á árinu jafnfram því að fá stuðning á vefnum. Námskeiðið var leitt af þremur eTwinning fulltrúum ásamt verkefnisstjóra Rannís.

Fyrir átakið voru um 10% kennara í Hafnarfirði skráðir í eTwinning en nú í lok skólaársins voru þeir um 19%. Fjöldi verkefna með hafnfirskum kennurum hefur um þrefaldast, var 8 en er nú 26. Þess er vænst að í kjölfar átaksins muni hafnfirskum eTwinning kennurum fjölga enn frekar á næstu árum.

Átakinu lauk með því að bjóða fjórum hafnfirskum kennurum á eTwinning starfsþróunarvinnustofu í Belgíu um liðna helgi. Þar hittust kennarar víðs vegar úr Evrópu, mynduðu tengsl og ræddu kennsluhugmyndir. Þeir sem fóru á vinnustofuna voru dregnir úr hópi virkra eTwinning kennara í vetur. Það voru Úlfhildur H. Guðbjartsdóttir, Hvaleyrarskóla, Hjördís Ýrr Skúladóttir, Hraunvallaskóla, Svandís B. Harðardóttir, Víðistaðaskóla og Marc Portal, Stóru-Vogaskóla (sem er í umdæmi Skólaskrifstofu Hafnarfjarðar).

Á myndinni (frá v.) eru Kolbrún Svala Hjaltadóttir, eTwinning fulltrúi, Guðmundur Ingi Markússon, verkefnisstjóri eTwinning, og vinnustofufararnir Úlfhildur, Svandís og Hjördís. Marc vantar á myndina.

Á myndbandinu hér á eftir tjá kennarar sig í Hasselt, m.a. Hjördís Ýrr Skúladóttir: 

 
.

 

Fylgið okkur á Twitter og Facebook

Nýlega endurvakti Landskrifstofan Facebook Twitter síður sínar. Smellið endilega "læk" á okkur á Facebook og "fylgið" okkur á Twitter -- einföld leið til þess að vera með á nótunum í eTwinning:
www.facebook.com/eTwinningISL
twitter.com/eTwinningISL
 
 

Kveðja frá landskrifstofunni, Rannís,

Facebook
#eTwinningISL
etwinning.is
© 2015 Landskrifstofa eTwinning - Rannís, allur réttur áskilinn.


skrá mig af póstlistanum    breyta skráningu

Email Marketing Powered by Mailchimp